NEET Paper Leak – Ek Student Ka Dard

NEET lakhon students ka sapna hota hai. Students din-raat mehnat karte hain, apni neend, khushiyan aur bachpan sacrifice kar dete hain sirf ek achhe future ke liye. Lekin jab paper leak hota hai, tab sirf exam nahi balki honest students ke sapne toot jaate hain.\nKai poor families apni savings coaching aur books par laga deti hain. Students stress aur pressure me padhai karte hain, lekin kuch log paise dekar paper kharid lete hain. Yeh hardworking students ke saath bahut bada anyay hai. Isse students ka trust education system se uthne lagta hai.\nHum sarkar se poochna chahte hain ki agar exams hi safe nahi hain, to students kis par bharosa karein? Paper leak karne walon ko strict punishment milni chahiye aur exam system ko secure banana chahiye.\nStudents ki mehnat aur sapno ki koi price nahi hoti. Hamari khamoshi ko kamzori mat samjho, kyunki toot te hue sapne kabhi-kabhi revolution ban jaate hain.